Inviestar-miljarder prapanavaŭ daścipny sposab, jak pakončyć z šatdaŭnam u ZŠA

Dla taho kab pakončyć z prypynieńniem pracy ŭrada ŭ ZŠA (šatdaŭnam), treba pazbavić kanhresmienaŭ zarobku na hety čas. Takuju prapanovu vysunuŭ inviestar-miljarder Bił Ekman u svaim tvitary.

Why should members of the Congress be paid while workers for the Federal government go unpaid? If we fixed this inequity, we would no longer have government shutdowns.

— Bill Ackman (@BillAckman) 25 janvaria 2019 h.

«Čamu členam kanhresa płaciać, a rabotnikam fiederalnaha ŭrada nie płaciać? Kali b my vypravili hetu niaroŭnaść, u nas bolš nie było b šatdaŭnu», — napisaŭ Ekman.

Pradprymalnik, aktyvy jakoha, pa acency Forbes, składajuć $1,1 młrd, redka vykazvajecca ŭ sacyjalnych sietkach: za čas stvareńnia svajoj staronki ŭ tvitary ŭ červieni 2017 hoda jon apublikavaŭ paviedamleńni abo retvitnuŭ usiaho 15 razoŭ, adznačaje Bloomberg.

Častkovaje prypynieńnie raboty ŭrada ZŠA — šatdaŭn — praciahvajecca z 22 śniežnia. Ciapierašni šatdaŭn ŭžo staŭ rekordnym pa praciahłaści. Kanhresmeny nie zmahli damovicca ab biudžecie, u pryvatnaści — kaštarysie budaŭnictva ściany na miažy ź Mieksikaj. Tramp damahajecca vydzialeńnia $ 5,7 młrd na heta budaŭnictva, demakraty vystupajuć suprać.

Kamientary da artykuła