Padpisańnie pahadnieńnia ab uzajemnym pryznańni viz pamiž Biełaruśsiu i Rasijaj zaciahvajecca. U najlepšym vypadku jaho padpišuć u 2019 hodzie
Dziaržaŭny sakratar sajuznaj dziaržavy Ryhor Rapota nie vyklučaje, što mižuradavaje pahadnieńnie Biełarusi i Rasii ab uzajemnym pryznańni viz padpišuć sioleta, paviedamlaje BiełTA.
«U mianie samy aptymistyčny prahnoz, tamu što dakumient adpracavany, zastajucca apošnija štrychi na biełaruskim baku», — skazaŭ dziaržsakratar.
Adkazvajučy na pytańnie, dzie i kali moža być padpisany dakumient, Ryhor Rapota adznačyŭ: «Nie važna, dzie i kali, hałoŭnaje — kab jon byŭ padpisany. Spadziajusia, sioleta».
Nahadajem, raniej płanavałasia, što pahadnieńnie ab uzajemnym pryznańni viz pavinna być padpisana ŭ kancy 2018 hoda ŭ Breście, adnak padpisańnie pieranieśli na niavyznačany termin, pakolki Biełaruś nibyta «nie paśpieła zaviaršyć unutrydziaržaŭnyja pracedury».