Rasija pažadała stać pasiarednikam pamiž apazicyjaj i Maduram
Pasiarednikam pamiž uładami Vieniesueły i apazicyjaj hatovaja stać Maskva, kali jaje namahańni buduć zapatrabavanymi. Pra heta «RIA Novosti» paviedamiŭ dyrektar łacinaamierykanskaha departamienta MZS Rasii Alaksandr Ščacinin. «My da hetych namahańniaŭ hatovyja, u nas prablem z hetym niama», — skazaŭ jon.
«Učora ministr zamiežnych spraŭ Rasii skazaŭ, što my hatovyja da supracoŭnictva z usimi palityčnymi siłami, jakija prajaŭlajuć adkazny padychod», — zapeŭniŭ dypłamat. Pavodle jaho słoŭ, Rasija taksama moža pracavać ź vieniesuelskimi palityčnymi siłami, jakija «hatovyja supracoŭničać ź mižnarodnymi hulcami, vykarystoŭvać uvieś naš aŭtarytet dla taho, kab dyjałoh byŭ naładžany».