Biudžet Biełarusi za 2018 hod vykanany z praficytam bolš čym $2 miljardy
Biudžet Biełarusi za 2018 hod vykanany z praficytam bolš čym $2 miljardy, paviedamiŭ siońnia žurnalistam ministr finansaŭ Maksim Jermałovič na ŭračystym schodzie da 100-hodździa Ministerstva finansaŭ, paviedamlaje BiełTA.
«Heta dosyć vysokija vyniki, heta dazvalaje nam z aptymizmam hladzieć u budučyniu, niahledziačy na toje, jakoje nadvorje budzie ŭ suśvietnaj ekanamičnaj sistemie», — adznačyŭ Maksim Jermałovič.
Pavodle jaho słoŭ, stabilnaść dasiahnuli za košt dvuch asnoŭnych faktaraŭ — ahulnaj ekanamičnaj palityki dziaržaŭnych orhanaŭ, a taksama za košt uzvažanaj i abdumanaj biudžetna-padatkovaj palityki, nakiravanaj u tym liku na pavyšeńnie efiektyŭnaści kiravańnia dziaržaŭnymi srodkami.