Facebook, WhatsApp i Instagram abjadnajuć?
Sistemy dla abmienu paviedamleńniami Facebook, Instagram i WhatsApp ŭ najbližejšyja hod-paŭtara buduć abjadnanyja ŭ adzinuju ekasistemu, jakaja dazvolić adpraŭlać danyja z adnoj prahramy ŭ inšuju, piša NYT.
Zasnavalnik Facebook Mark Cukierbierh płanuje abjadnać słužby abmienu imhniennymi paviedamleńniami sacyjalnych sietak Facebook i Instagram ź miesiendžaram WhatsApp, piša The New York Times (NYT) sa spasyłkaj na čatyry krynicy.
Dla hetaha spatrebicca pierabudavać i ŭnifikavać pracu troch sistem na samym bazavym uzroŭni, paviedamili surazmoŭcy haziety. U płanach kampanii taksama abaranić usie paviedamleńni skraznym šyfravańniem, kab vyklučyć mahčymaść pierachopu danych. Papiaredni termin zaviaršeńnia prajekta — kaniec 2019 hoda abo pačatak 2020 hoda, paviedamili surazmoŭcy NYT.
Čakajecca, što paśla zaviaršeńnia prajekta karystalniki adnoj z prahram zmohuć pierapisvacca sa svaimi surazmoŭcami va ŭsich troch sistemach.
U kampanii Facebook, jakoj naležać WhatsApp i Instagram, raźličvajuć, što abjadnańnie karystalnikaŭ usich troch prahram u adzinuju ekasistemu dazvolić pavialičyć pryvatnaść danych, bolš paśpiachova pradavać rekłamu i skłaści kankurencyju sistemam abmienu paviedamleńniami ad Google i Apple.
Płan abjadnać try roznyja prahramy ŭ adzinuju ekasistemu pakazvaje na źmienu pazicyi zasnavalnika Facebook, jaki paśla kupli WhatsApp i Instagram abiacaŭ im aŭtanomiju ad maciarynskaj kampanii, piša NYT.