Parłamient Hrecyi zaćvierdziŭ pahadnieńnie ab pierajmienavańni Makiedonii
U Hrecyi parłamient prahałasavaŭ za ratyfikacyju pahadnieńnia ab źmienie nazvy Makiedonii. Za adpaviednaje rašeńnie prahałasavali 153 deputaty, suprać — 146.
U červieni 2018 hoda Makiedonija i Hrecyja padpisali histaryčnaje pahadnieńnie, zhodna ź jakim Makiedonija źmienić svaju nazvu na Paŭnočnuju Makiedoniju. Uzamien Afiny razbłakavali pieramovy ab dałučeńni Makiedonii da NATA i ES. Sprečki krain adnosna nazvy «Makiedonija» praciahvalisia z 1990-ch hadoŭ.
11 studzienia parłamient Makiedonii uchvaliŭ uniasieńnie papravak u Kanstytucyju, jakija praduhledžvajuć źmianieńnie nazvy krainy z Respubliki Makiedonija na Respubliku Paŭnočnaja Makiedonija.