U Mastackim muziei adkryjecca vystava Barysa Hrabienščykova
Pieršaja ŭ Biełarusi piersanalnaja vystava karcin viadomaha muzykanta, niaźmiennaha lidara hrupy «Akvaryum» Barysa Hrabienščykova adkryjecca 29 studzienia ŭ Nacyjanalnym mastackim muziei.
Pačynajučy z kanca 1980-ch jaho vystaŭki prachodzili ŭ Sankt-Pieciarburhu, Maskvie, Łondanie, Ńju-Jorku. U asnovu debiutnaj minskaj ekspazicyi pad nazvaj «Tatemy Zimahoraŭ» uvojdzie bolš za 30 žyvapisnych rabot apošnich hadoŭ, niekatoryja ź ich buduć ekspanavacca ŭpieršyniu.
«Karcinam Hrabienščykova, jak i jaho pieśniam, ułaściva ŭskładnienaść vobraznaj sistemy, postmadernisckaja hulnia z vobrazami. Asablivuju pieravahu jon addaje žanru piejzaža, u jakim dziŭnym čynam abjadnoŭvaje vyjaŭlenčuju i muzyčnuju tkaninu: kolerapłastyčnaje rašeńnie rabot nabyvaje paznavalnyja abrysy jaho mieładyčnych linij, stvarajučy adčuvańnie dyfuzii śviatłopavietranaha asiarodździa i huku», - raskazali ŭ muziei.
Vystaŭka budzie pracavać da 10 sakavika. Jaje ekspazicyjny rad budzie padtrymany instrumientalnaj muzykaj aŭtara, stvoranaj śpiecyjalna dla muziejnaha prajekta. Darečy, viadoma, što niekatoryja pieśni Barys Hrabienščykoŭ zapisvaje na hrošy, atrymanyja ad prodažu svaich karcin. Tamu asablivyja znataki jaho tvorčaści paśla zaviaršeńnia vystaŭki zmohuć nabyć u aŭtara ŭ svoj pryvatny zbor rabotu, jakaja spadabałasia.