32-hadovaha rasijskaha sienatara zatrymali prosta na pasiadžeńni. Jaho padazrajuć u dačynieńni da dvuch zabojstvaŭ
TASS
32-hadovaha Raŭfa Arašukava, člena rasijskaha Savieta Fiederacyi ad Karačajeva-Čarkiesii, vyvieli z zały prosta padčas pasiadžeńnia Savieta, jakoje pierad hetym zakryli dla presy. Jaho padazrajuć u dačynieńni da dvuch zabojstvaŭ, piša Radyjo Svaboda.
Havorka idzie pra zabojstva lidara čarkieskaha ruchu «Adyhie-Chase» Asłana Žukava i kandydata na pasadu prezidenta Karačajeva-Čarkiesii Frala Šebzuchava, udakładniajuć rasijski SK. U pres-relizie taksama havorycca ab dačynieńni palityka da inšych złačynstvaŭ.
Saviet Fiederacyi ŭ sieradu daŭ zhodu na pryciahnieńnie Arašukava u jakaści abvinavačanaha pa kryminalnaj spravie i pazbaviŭ jaho niedatykalnaści. U partyi «Adzinaja Rasii» paviedamili ab prypynieńni siabroŭstva Arašukava pa rašeńni rehijanalnaha palityčnaha savieta.
Adzin z surazmoŭcaŭ ahienctva TASS zajaviŭ pra «ceły bukiet złačynstvaŭ», u liku jakich arhanizacyja złačynnaj supolnaści i ŭdzieł u joj. Krynica RIA Naviny zajaviła, što zatrymańnie Arašuava źviazana z padroblenymi dakumientami, dziakujučy jakim jon nibyta staŭ členam Savieta Fiederacyi.
Tak u vieraśni minułaha hoda abvinavačvany ŭ zabojstvie lidara čarkieskaha ruchu «Adyhie-Chase» Asłana Žukava nazvaŭ Arašukava zakazčykam złačynstva. Zabojstva było ździejśniena ŭ 2010 hodzie.
U 2012 i 2017 hodzie dva čałavieki nazvali Arašukava zakazčykam inšaha zabojstva, taksama ździejśnienaha ŭ 2010 hodzie. Tady kandydata na pasadu prezidenta Karačajeva-Čarkiesii Frala Šebzuchava źbili biejsbolnaj bitaj i zastrelili.
U kastryčniku minułaha hoda paviedamlałasia, što Arašukaŭ razam sa svaimi achoŭnikami źbiŭ u centry Čarkieska miascovaha deputata Rusłana Kardanava. Apošni maje status śviedki ŭ spravie ab zabojstvie Šebzuchava.
Rauf Arašukaŭ zajmaje pasadu ŭ Saviecie Fiederacyi z 2016 hoda. Da hetaha jon pracavaŭ u strukturach «Hazproma».