MIU vyjhraŭ kłubny čempijanat śvietu
A kanał «Ład» siońnia daryć čarhovy padarunak: supiermatč «Arsienał» – «Livierpul». Ličycca, što biełarusy Łondana z amal dziasiatka staličnych kłubaŭ chvarejuć tradycyjna za «Arsienał». I pryčyna nie ŭ Hlebie.
Čempijon Anhlii i pieramožca Lihi čempijonaŭ – 2008 (Mančestar Junajted) vyjhraŭ čempijanat śvietu siarod kłubaŭ.Turnir pravodziŭsia ŭ Japonii.
U finalnym matčy, što prajšoŭ u niadzielu ŭ Jokahamie, MIU vyjhraŭ u «ŁDU Kita» (Ekvador) – 1:0.
Hoł u «čyrvonych djabłaŭ» na rachunku Uejna Runi. Zaznačym, što ad 49-j MIU hulaŭ udziesiacioch. Čyrvonuju kartku atrymaŭ sierbski abaronca Niemańja Vidzič.
Mankunijancy startavali na turniry z paŭfinału, dzie abyhrali haspadaroŭ turniru – Hambu Osaku ź likam 5:3.
Padapiečnyja sera Aleksa Fierhiusana prylacieli na turnir najmacniejšym składam.
Ciapier MIU moža ličycca nie tolki najmacniejšym kłubam Jeŭropy, ale i śvietu.
Darečy ŭ 1\8 finału "reds" budzie supraćstajać miłanski "Inter", jaki sioleta ačolvaje eks-trenier "Čełsi" Žaze Muryńju.
***
Udzieł na turniry ŭ Japonii aznačaje, što MIU prapuskaje 18-y tur anhlijskaj premjer-lihi.
Siońnia kanał «Ład» pakaža ŭ žyvym efiry matč «Arsienał» – «Livierpul».
«Livierpul» lidziruje ŭ čempijanacie Anhlii. A partał «Sport-Siehodnia» daścipna nazvaŭ «Arsienał» Robin Hudami anhlijskaj premjer-lihi: jany, maŭlaŭ adbirajuć ački ŭ mocnych i dorać ich słabym.
Padapiečnyja Arsiena Vienhiera vyjhrali ŭžo ŭ pieršym kruzie i ŭ «Čełsi», i ŭ MIU.
Zaznačym taksama, što rajon «Arsienału» – heta rajon, dzie znachodziacca biełaruskija damy ŭ brytanskaj stalicy:na Pen Roŭd (biełaruski dom) dy Marjan Chaŭs i Skarynaŭka ŭ Finčli i. Tamu ličycca, što biełarusy Łondana chvarejuć za «Arsienał».
Choć biełarusy žyvuć i na «Chamierśmit» (a heta votčyna «Fułchema»), i ŭ centry, dzie chvarejuć za «Čełsi».
A emihranty XIX st., jakija ŭciakali ź Biełarusi, paśla parazaŭ paŭstańniaŭ 1831 h. i 1863 h. sialilisia ŭ tady jašče pradmieści Łondana – Totenchemie. Prykładam, tam žyŭ i nastaŭničaŭ Alaksandr Rypinski.
A voś u Livierpuli, u adroźnieńnie ad Mančestaru, Birminhiemu, Notinhiemu, biełaruskich arhanizacyj nikoli nie było. Choć horad byŭ dla biełarusaŭ tranzitnym.
Karaciej! Tranślacyja matču «Arsienał» – «Livierpul» u 17:55.
P.S. Kamandy zhulali ŭničyju - 1:1.