U karaleŭskim horadzie iznoŭ buduć varyć piva
Da viasny 2010 hodu niamieckaja kampanija Ziemann Group zbuduje ŭ Hrodnie novy brovar.
Da viasny 2010 hodu niamieckaja kampanija Ziemann Group zbuduje ŭ Hrodnie novy brovar.
Hadavaja vytvorčaść haradzienskaha brovara składzie 400.000 hkł piva ŭ hod z mahčymaściu jaje pavialičeńnia da 600.000 hkł, paviedamiŭ partał «Piŭnaja sprava». Kampanija Ziemann adkazvaje za pastaŭku techničnaha abstalavańnia, jaho mantaž i zapusk u pracu.
Aproč piva ŭ Hrodnie buduć raźlivacca limanad i kvas. Dla ich vypuska budzie vykarystoŭvacca miascovaja syravina.
Ziemann Group źjaŭlajecca najbujniejšym vytvorcam i pastaŭnikam pivavarnaha abstalavańnia ŭ śviecie. Firma była zasnavanaja ŭ Štutharcie jašče ŭ 1852 hodzie. U 1966 h. kampanija zbudavała najbujniejšy ŭ śviecie piŭny brovar u mieksikanskim Zakatekasie.
Haradzienski piŭny zavod byŭ zbudavany ŭ 1877 h. U 2007 h. pradpryjemstva začynienili. Na jaho terytoryi na bierazie Niomana płanujecca zbudavać muziej piva, piŭny restaran, a taksama zabaŭlalny kompleks. Novaja vytvorčaść, vierahodniej za ŭsio, budzie zbudavanaja na terytoryi haradzienskaj svabodnaj ekanamičnaj zony.