U adnoj kamandzie z Alaksandram Łukašenkam na «Minskaj łyžni» biehli Kola i Domračava FOTY
Siońnia ŭ minskaj Viaśniancy prachodzić zimovaje spartovaje śviata «Minskaja łyžnia — 2019». U im tradycyjna biare ŭdzieł kiraŭnik dziaržavy, a taksama pradstaŭniki vyšejšych orhanaŭ ułady, viadomyja spartoŭcy i dziejačy roznych śfier, zorki estrady, žurnalisty-łukašenkaŭcy.
Alaksandr Łukašenka ŭdzielničaŭ u bijatłonnaj estafietnaj honcy, jakuju — tak adbyvajecca štohod — vyjhrała kamanda prezidenta.
U składzie estafietnaha kvarteta razam z kiraŭnikom dziaržavy vystupili Śviatłana Kanašenka, čatyrochrazovaja alimpijskaja čempijonka Darja Domračava i syn prezidenta Mikałaj Łukašenka, piša BiełTA.
Druhoje miesca zaniała kamanda Hrodzienskaha abłvykankama, a na treciaj pazicyi raźmiaściłasia kamanda Savieta ministraŭ.
Łyžnaje śviata ŭ Viaśniancy praciahvajecca ŭvieś dzień. Nazirać za im sabrali tysiačy biudžetnikaŭ z roznych ustanoŭ stalicy.