Minčanka znajšła hranatu va ŭłasnaj šafie FOTA
Sihnał pra znojdzieny bajeprypas pastupiŭ u milicyju ŭ subotu, paviedamlaje pres-słužba HUUS Minharvykankama.
Na miesca nieadkładna vyjechaŭ narad supracoŭnikaŭ milicyi, śledča-apieratyŭnaja i sapiorna-piratechničnaja hrupy. Supracoŭniki milicyi evakuiravali žycharoŭ z kvatery.
Žychar kvatery, jaki vyklikaŭ milicyju, rastłumačyŭ, što hranatu znajšła jaho maci, paradkujučy ŭ šafie asabistyja rečy pamierłaha baćki. Niebiaśpiečny pradmiet znachodziŭsia ŭ skryncy z-pad termakubka.
Sapiory deaktyvavali hranatu i pieradali supracoŭnikam śledča-apieratyŭnaj hrupy na ekśpiertyzu.