Łukašenka i Pucin u Sočy zhulali ŭ chakiej u adnoj kamandzie VIDEA
Uładzimir Pucin i Alaksandr Łukašenka razam vyjšli na lod, kab pahulać u chakiej na sočynskaj arenie «Šajba». Jany adpravilisia tudy paśla narady ŭ adukacyjnym centry «Siryus», paviedamlaje BiełTA.
Abodva ŭ čyrvona-biełaj formie hulajuć za kamandu «Tyhraŭ» suprać kamandy «Miadźviedzi» ŭ sinie-čyrvonych švedrach. Uładzimir Pucin — pad numaram 11, Alaksandr Łukašenka — pad numaram 1. Na lod vyjšaŭ taksama Mikałaj Łukašenka.
Matč prachodzić biez hledačoŭ. Za im nazirajuć tolki žurnalisty, što aśviatlajuć sočynskuju sustreču kiraŭnikoŭ dziaržaŭ. Alaksandr Łukašenka z synam i šerah inšych hulcoŭ vyjšli na lod raniej za Uładzimira Pucina i kala paŭhadziny katalisia i adpracoŭvali kidki pa varotach.