U škołach Hruzii ciapier prapanujuć vučyć kitajskuju movu zamiest ruskaj
Ministerstva aśviety Hruzii płanuje ŭvieści va ŭsich siarednich škołach krainy kitajskuju u jakaści druhoj zamiežnaj movy, paviedamlaje Kommiersant.
Kiraŭnik departamienta raźvićcia ahulnaj adukacyi ministerstva aśviety Maryjam Čykabava patłumačyła, što rašeńnie pryniali z ulikam šmatlikich prośbaŭ škoł i baćkoŭ. Užo ŭ nastupnym navučalnym hodzie baćki, čyje dzieci pierajšli ŭ piaty kłas, zmohuć abrać u jakaści druhoj abaviazkovaj zamiežnaj movy kitajskuju.
Pieršaj abaviazkovaj zamiežnaj movaj u Hruzii ličycca anhlijskaja, i dzieci vučać jaje ź pieršaha kłasa. Druhoj zamiežnaj movaj, jakuju pačynajuć vyvučać ź piataha kłasa siaredniaj škoły, baćki ciapier čaściej za ŭsio vybirajuć ruskuju. Adnak situacyja nieŭzabavie moža istotna źmianicca, i zamiest ruskaj hruzinskija školniki buduć vyvučać kitajskuju.