Vinšavańnie staršyni Rady BNR Ivonki Surviły z Kaladami i Novym hodam
Šanoŭnyja surodzičy, darahija siabry!
U kancy hetaha 2008 hodu chaču vykazać Vam maju hłybokuju ŭdziačnaść za ŭsio, što vy zrabili, kab naležna adznačyć 90-tyja ŭhodki BNR.
Adznačalisia jany ŭ Biełarusi, u Eŭrapejskim parlamancie ŭ Strasburhu, na Sustrečy biełarusaŭ Paŭnočnaj Ameryki, na kanferencyi ŭ Prazie, na šmatlikich imprezach u va ŭsich krainach, dzie pražyvajuć biełarusy, a najbolej ŭračysta, mahčyma, na sioletnich śviatkavańniach 25-ha sakavika.
Asabista chaču padziakavać za zaprosiny na śviatkavańni. U hetym hodzie mieła pryjemnaść spatkać, časta ŭpieršyniu, mnohich cudoŭnych surodzičaŭ.
Usim žadaju pryjemna pravieści hetyja śviaty. Žadaju ciapłyni, ščaścia, zdaroŭja, a najvažniej – zadavalnieńnia tym, što vy zrabili, kab prynieści kryšku ščaścia darahim vam ludziam.
Žadaju, kab Novy 2009 hod prynios tyja źmieny, na jakija ŭsie my čakajem – a mienavita volu i dabrabyt našamu narodu. Prašu ŭ Boha, kab viarnuŭ jamu svaju Krainu Biełaruś!
Ivonka Surviła.