Palina Respublika zapisała biełaruskamoŭnuju viersiju pieśni «Mokryja krosy» VIDEA
Śpiavačka, jakaja ciapier viadomaja pad imiem PALINA, zapisała biełaruskamoŭny kavier pa pieśniu Cimy Biełaruskich «Mokryja krosy».
U svajoj supołcy «Ukantakcie» Palina napisała, što pryśviačaje hetu pieśniu «svaim susiedziam, biełaruskamu repu i jašče maim krosam z zary, jakija vieraj i praŭdaj pieražyli sa mnoj zimu»!
U videa Palina paŭtaraje vobraz Cimy Biełaruskich, ale biełaruskamoŭnaja viersija pieśni bolš liryčnaja. Prypieŭ u joj taki:
«I niachaj padaje, padaje ź nieba
Biahu ŭ mokrych krosach niby ja zvarjacieły.
Dla inšych ja zaniaty. Balić majo cieła.
Dajści b da ciabie, dajści b da ciabie».
Klip źniaty na eskałatary Minskaha čyhunačnaha vakzała.