U Kreŭskim zamku razvaliłasia častka kansiervacyjnaj muroŭki FOTA
Pytańni kštałtu «što zdaryłasia ŭ Kreŭskim zamku?» pačali źjaŭlacca ŭ sacyjalnych sietkach učora.
Fota Siarhieja Hapona, jaki pieršym zaŭvažyŭ, što ŭ zamku niešta nie tak.
Na svajoj staroncy ŭ fejsbuku situacyju rastłumačyŭ supracoŭnik NAN Biełarusi, zaŭsiodny kiraŭnik letnich raskopak u Krevie, Aleh Dziarnovič.
Pa jaho słovach, u apošnija vychadnyja abvaliłasia častka kansiervacyjnaj muroŭki Kreŭskaha zamka kala paŭdniova-zachodniaha kuta. Hetuju častku ściany abkładali kamianiami ŭ samym kancy minułaha hoda.
Pra zdareńnie Aleh paviedamiŭ navukovamu kiraŭniku prajekta Uładzimiru Siniaŭskamu.
Architektar pryznaŭsia, što tearetyčna dapuskaŭ taki vynik, bo hety kavałak muru kansiervavali ŭ samym kancy 2018 hoda, kali ŭžo byli pieršyja marazy.
Hety frahmient novaj muroŭki padmaroziła, i jon nie vytrymaŭ sioletnich viesnavych pierapadaŭ.
— Što ž, hetaja historyja jašče raz pakazvaje, nakolki važna vytrymlivać technałohii, — kaža Aleh.
Zaraz Biełrestaŭracyja raspracoŭvaje miery, kab likvidavać abvalvańnie.