Vyprabavańni najnoŭšych ukrainskich rakiet praviaduć na Čarnihaŭščynie
Prezident Ukrainy Piatro Parašenka zajaviŭ, što Kijeŭ budzie pravodzić vyprabavańni svajho najnoŭšaha rakietnaha ŭzbrajeńnia na terytoryi Čarnihaŭskaj vobłaści, jakaja miažuje ź Biełaruśsiu i Rasijaj.
«Dla Ukrainy ciapier źjaŭlajucca całkam novyja sučasnyja mahčymaści i pa pavieličeńni dakładnaści, i pa pavieličeńni radyusa dziejańnia, i adnosna mahutnaści», — zajaviŭ prezident u sieradu ŭ Čarnihaŭskaj vobłaści, jaho słovy pryvodzić «Ukrinform».
Jon miarkuje, što «vielmi važna, što hetyja vyprabavańni buduć adbyvacca na čarnihaŭskaj ziamli».
Raniej u subotu Parašenka zajaviŭ, što Ukrainie nieabchodna vysokadakładnaja rakietnaja zbroja pavyšanaha radyusa dziejańnia, jakaja zdolnaja traplać u cel daloka ŭ varožym tyle.