Pinihina pryznačać mastackim kiraŭnikom Kupałaŭskaha
Valery Rajeŭski zajaviŭ, što dobraachvotna pakidaje svaju pasadu, sastupajučy miesca maładziejšamu kalehu.
Pra heta paviedamlaje interniet-sajt «My» spasyłajučysia na svaje krynicy ŭ ścienach teatru. Na aficyjnym sajcie Kupałaŭskaha takoj infarmacyi pakul niama.
Mikałaj Pinihin byŭ pradstaŭleny aktoram teatra jašče 31 śniežnia.
Užo były hałoŭny režysior Kupałaŭskaha Valery Rajeŭski zajaviŭ, što dobraachvotna pakinuŭ svaju pasadu, sastupiŭšy miesca bolš maładomu kalehu.
«Ja padumaŭ, što ŭ maje, užo blizkija da 70-ci, hady, budzie słušnym adyści ŭ bok, i sastupić darohu bolš maładomu režysioru. Nichto na mianie nie cisnuŭ, heta rašeńnie ja prymaŭ samastojna», - zajaviŭ V. Rajeŭski.
***
Mikałaj Pinihin naradziŭsia 6 žniŭnia 1957 h. u horadzie Izium (Charkaŭskaja vobł., Ukraina).
Skončyŭ režysiorski fakultet Biełaruskaj akademii mastactvaŭ (1979). Pracavaŭ na BT (1979-1980), u 1980—1982 hh. u Ruskim dramatyčnym teatry ŭ Minsku, u 1985—1998 hh. režysioram Kupałaŭskaha.
Pastaviŭ «Tutejšych» Kupały, «Idyliju» i «Pinskuju šlachtu» Dunina-Marcinkieviča, «Art» Jaśminy Reza, «Viačeru z prydurkam» Vebera, «Emihrantaŭ» Mrožaka dy inš.
Łaŭreat Dziaržaŭnaj premii 1992 h. (za śpiektakl «Tutejšyja»), u 1994 h. pryznany Čałaviekam hodu Biełarusi ŭ naminacyi «Scena».
Ad 1998 h. pracavaŭ u Sankt-Pieciarburhu ŭ Vialikim dramatyčnym teatry imia Taŭstanohava.