Abčyściŭ bar, kab adyhracca ŭ kazino. Minčuk zabraŭ z pracy bolš za 2 600 rubloŭ
Minčuk abčyściŭ kasu bara, dzie pracavaŭ, kab adyhracca ŭ kazino. Jon vynies ź miesca pracy bolš za 2 600 rubloŭ i častku znoŭ paśpieŭ spuścić ŭ ihralnaj ustanovie, paviedamlaje HUUS Minharvykankama.
U milicyju źviarnuŭsia ŭładalnik staličnaha bara, zajaviŭšy, što z kasy źnikła hatoŭka ŭ pamiery 2624,5 biełaruskaha rubla. Apieratyŭniki vyśvietlili, što hrošy ŭziaŭ 30-hadovy supracoŭnik ustanovy. Paśla źmieny jon prajhraŭ u ihralnym kłubie i vyrašyŭ uziać usie dastupnyja hrošy z kasy bara, kab adyhracca. Častku hrošaj jon paśpieŭ spuścić u adnoj ź ihralnych ustanoŭ stalicy i pierabraŭsia ŭ inšaje kazino, dzie jaho i zatrymała milicyja. Raniej mužčynu nikoli nie pryciahvali da kryminalnaj adkaznaści za kradziažy.