Znojdzienaja zapiska zatrymanaha za masavaje zabojstva ŭ hałandskim Utrechcie. Palicyja ličyć napad teraktam
Palicyja Niderłandaŭ vyjaviła zapisku ŭ mašynie 37-hadovaha ŭradženca Turcyi Hiekmana Tanisa, jakoha zatrymali 18 sakavika za stralbu ŭ tramvai ŭ horadzie Utrecht.
Źmiest zapiski dazvalaje kazać ab tym, što napad źjaŭlaŭsia spłanavanym teraktam, paviedamlaje AR sa spasyłkaj na zajavu palicyi. Što kankretna ŭ joj napisana, nie raskryvajecca.
Pa słovach śledčych, jany taksama nie vałodajuć dadzienymi, jakija pakazvajuć na toje, što złačynca zahadzia viedaŭ kaho-niebudź z svaich achviar. Tym nie mienš palicyja rasśleduje i inšyja mahčymyja matyvy Tanisa, uklučajučy asabistyja.
U vyniku stralaniny, adkrytaj Tanisam u tramvai, zahinuli try čałavieki, jašče piać čałaviek atrymali ranieńni.