Śpikier Viarchoŭnaj Rady vyklučyŭ deputatu mikrafon za vykarystańnie ruskaj movy VIDEA
Staršynia Viarchoŭnaj Rady Ukrainy Andrej Parubij padčas vystupu prakramloŭskaha kandydata ŭ prezidenty Alaksandra Viłkuła adklučyŭ jamu mikrafon za vykarystańnie ruskaj movy.
Svoj vystup deputat pačaŭ pa-ŭkrainsku, adnak dla hetaha jamu davodziłasia vykarystoŭvać papierku sa śpiecyjalna padrychtavanym tekstam.
Kali ž Viłkuł skončyŭ jaho čytać, to adrazu pierajšoŭ na ruskuju movu, u suviazi z čym śpikier parłamienta zrabiŭ jamu zaŭvahu.
U svaju čarhu deputat jaho zaklik praihnaravaŭ, paśla čaho śpikier Rady vyklučyŭ jamu mikrafon.
«Prašu da dziaržaŭnaj movy viarnucca… Ja papiaredžvaju i prašu kazać na dziaržaŭnaj movie. Prašu vyklučyć mikrafon», — skazaŭ Parubij.
U adkaz Viłkuł pahadziŭsia praciahnuć vystup na ŭkrainskaj. «Kali vy ličycie, što mova, na jakoj vy razmaŭlajecie, ukrainskaja, to vy vielmi pamylajeciesia», — dadaŭ jon pry hetym.