Nazvanyja łaŭreaty premii «Debiut»
Premiju «Debiut» 2019 hoda atrymali Halina Siŭčanka za knihu paezii «Zoŭ zvyčaju», Paŭlina Vituščanka za pierakład ź litoŭskaj movy ramana Ryčarda Havialisa «Vilenski pokier» i Darja Trajden za zbornik apaviadańniaŭ «Kryštalnaja noč».
Kožnaja pieramožca atrymała ad fonda «Viartańnie» hrašovuju ŭznaharodu ŭ pamiery 4200 biełaruskich rubloŭ.
Taksama finalisty naminacyj «proza» Aleś Kirkievič («Samuraj») i Stefan Korf («Paleski dyjaryuš dyvizii Sierakoŭskaha») dy ŭ naminacyi «paezija» Aleś Zamkoŭski («Nastupny prypynak») i Staś Karpaŭ («Kancylaryi roznych spraŭ») atrymali zaachvočvalnyja pryzy — 1000 biełaruskich rubloŭ.
Cyrymonija ŭznaharodžańnia prajšła 26 sakavika ŭ minskim «Hraj-kafe».
U sioletniaje žury premii ŭvajšli Pavieł Bierahovič, Leanid Hałubovič, Adam Hłobus, Viera Žybul (Burłak), Hanna Kiślicyna, Andrej Chadanovič, Hanna Jankuta.
Premija «Debiut» imia Maksima Bahdanoviča była zasnavanaja ŭ 2010 hodzie Biełaruskim PEN-centram, Dabračynnym fondam «Viartańnie» i Sajuzam biełaruskich piśmieńnikaŭ. Siarod papiarednich pieramožcaŭ — Vital Ryžkoŭ, Natałka Charytaniuk, Anton Francišak Bryl, Viktar Marcinovič, Andrej Adamovič, Julija Šarova, Hanna Jankuta, Kaciaryna Macijeŭskaja, Zarasłava Kaminskaja, Hanna Komar, Jula Cimafiejeva, Taćciana Niadbaj i inš.