25-hadovy mahiloviec «pažartavaŭ» z školnicy, udaryŭšy kułakom pa patylicy
U milicyju źviarnułasia 15-hadovaja školnica, jakuju źbiŭ nieznajomy małady mužčyna. Incydent adbyŭsia dniom kala doma na vulicy Kryvulina, kali dziaŭčyna viartałasia dadomu z zaniatkaŭ, piša mogilevnews.by
Jak paviedamiła aficyjny pradstaŭnik Leninskaha RAUS Mahilova Alena Simanava, mužčyna padyšoŭ da školnicy i z usioj siły ŭdaryŭ kułakom pa patylicy, paśla čaho źbieh. Chutka jaho zatrymali.
Vyśvietliłasia, što 25-hadovy mahiloviec biazmetna błukaŭ pa vulicach u abiedzienny čas. Zaŭvažyŭšy dziaŭčynu, jamu zdałosia, što budzie śmiešna pažartavać ź jaje, padkraŭšysia zzadu i prystrašyŭšy. Adnak «žart» zajšoŭ nadta daloka.