Znoŭ maskitnaja sietka: u Rečycy z akna vypaŭ čatyrochhadovy chłopčyk
Padrabiaznaści paviedamlaje dneprovec.by.
Incydent adbyŭsia 4 krasavika. Napiaredadni mały prychvareŭ. Mama vyrašyła nie vieści jaho ŭ sad, a pakinuć doma ź dziadulem, sama ž pajšła na pracu. U niejki momant pažyły mužčyna adłučyŭsia ŭ inšy pakoj. Pakinuty biez nahladu ŭnuk zalez na padakońnik adkrytaha akna, abapiorsia na maskitnuju sietku, taja nie vytrymała — i chłopčyk palacieŭ uniz.
Na ščaście, pad aknom znachodzilisia kusty, jany i źmiakčyli padzieńnie — mały zastaŭsia žyvy. Adnak biez traŭmaŭ nie abyšłosia: u chłopčyka pierałomy rebraŭ, a taksama udar lohkaha.