Na parkoŭcy ŭ Minsku źjavilisia «miescy dla ciažarnych», ale nijakaj jurydyčnaj siły heta nie maje
Na parkoŭcy la adnaho z handlovych centraŭ stalicy źjavilisia śpiecyjalnyja tablički, jakija ŭkazvajuć na miescy dla ciažarnych, — piša «SB».
Z takoj inicyjatyvaj vystupili ŭ kreatyŭnym ahienctvie «Małako».
Tam raspracavali admysłovy znak-ukazalnik z vyjavaj ciažarnaj žančyny.
U ahienctvie pierakananyja, što dla ciažarnych žančyn pavinny być praduhledžanyja lepšyja umovy dla parkoŭki, bližej da ŭvachodu ŭ budynak.
U budučyni, ličać u ahienctvie, takija znaki mohuć źjavicca na parkoŭkach la roznych sacyjalnych abjektaŭ: paliklinik, žanočych kansultacyj, balnic, škoł, aptek.
U DAI ž da takoj inicyjatyvy pastavilisia spakojna.
Načalnik adździeła arhanizacyi darožnaha ruchu i darožnaj inśpiekcyi UDAI MUS Dźmitryj Navoj rastłumačyŭ, što heta hramadskaja inicyjatyva, i nijakaj jurydyčnaj siły nie maje.
Inšymi słovami, kali vy zojmiecie miesca dla ciažarnych na parkoŭcy, vas nichto štrafavać nie budzie. Bo takoha artykuła, u adroźnieńnie ad parkoŭki na miescach dla invalidaŭ, u biełaruskim zakanadaŭstvie niama.