Madura abviaściŭ pra pieramohu nad sprobaj dziaržaŭnaha pieravarotu ŭ Vieniesuele
Nikałas Madura źviarnuŭsia z pasłańniem da nacyi na fonie masavych pratestaŭ, jakija ŭspychnuli ŭ aŭtorak u krainie z novaj siłaj. Jon zajaviŭ, što heta była sproba dziaržaŭnaha pieravarotu, jakaja paciarpieła niaŭdaču.
Prezident Vieniesueły zajaviŭ, što pratesty, inicyjavanyja apazicyjaj, raŭnasilnyja sprobie dziaržaŭnaha pieravarotu, ale ŭsie hetyja namahańni paciarpieli parazu. Pra heta prezident Vieniesueły zajaviŭ u svaim pasłańni da nacyi. Tranślacyja viałasia na staroncy Madury ŭ tvitary.
Madura padkreśliŭ, što ciapierašniaja sproba pieravarotu była zroblena z padačy byłoha mera Karakasa, zasnavalnika sacyjał-demakratyčnaj partyi «Narodnaja vola» Leapolda Łopiesa. «Ahienty pravaha kryła terarystyčnaj partyi «Narodnaja vola» pasprabavali ździejśnić dziaržaŭny pieravarot», — skazaŭ jon. «Impieryja imkniecca atakavać i zrynuć zakonny ŭrad, kab zaniavolić Vieniesuełu», — skazaŭ jon.
Madura pavinšavaŭ vajskovaje kiraŭnictva krainy, zajaviŭšy, što sproba dziaržaŭnaha pieravarotu paciarpieła niaŭdaču. «Ja chaču pavinšavać vas ź ćviordaj, łajalnaj i śmiełaj pazicyjaj, ź jakoj vy kiravali razhromam nievialikaj hrupy, jakaja sprabavała napoŭnić Vieniesuełu hvałtam. Ja chaču pavinšavać Viarchoŭnaje vajskovaje kamandavańnie ź jaho advahaj u abaronie miru», — dadaŭ Madura.