Polšča pačała vykarystoŭvać naftu sa stratehičnych reziervaŭ z-za spynieńnia rasijskich pastavak
Ministerstva enierhietyki Polščy pryniało rašeńnie vykarystać 800 tys. ton nafty z stratehičnych zapasaŭ, kab kampiensavać pastaŭki rasijskaj nafty, tranzit jakoj Varšava prypyniła z-za źnižeńnia jakaści nafty ŭ trubapravodzie «Družba», što idzie praź Biełaruś, pieradaje Reuters sa spasyłkaj na paviedamleńnie aficyjnaha pradstaŭnika ministerstva.
Polšča prypyniła tranzit rasijskaj nafty pa trubapravodzie «Družba» na minułym tydni, pra heta paviedamili 25 krasavika. Varšava apaviaściła biełaruski bok ab tym, što naftapierapracoŭčyja zavody ŭ Polščy i Hiermanii nie mohuć prymać naftu z takimi pakazčykami, ź jakimi jana pastupała ŭ punkt pryjomki pastavak «Adamova». Paśla hetaha biełaruskaje «Homieltransnafta Družba» paviedamiła rasijski bok ab prypynieńni tranzitu.