Aleś Čumakoŭ prezientuje sinhł «Vierby» z albomu irłandskich karčomnych piesień pa-biełarusku
U asnovie kampazicyi — vierš pra kachańnie nobieleŭskaha łaŭreata Uiljama Batlera Jejtsa.
Sinhł «Vierby» ŭvojdzie ŭ solny albom udzielnika «Staroha Olsy» Alesia Čumakova, jaki atrymaje nazvu «Praŭda ŭ vinie».
Pieśnia pra pieršaje kachańnie napisanaja na vierš kłasika irłandskaj litaratury, nobieleŭskaha łaŭreata Uiljama Batlera Jejtsa Down By The Sally Garden, jaki pakładzieny na tradycyjnuju irłandskuju miełodyju. Pierakłaŭ vierš na biełaruskuju movu Aleś Čumakoŭ.
«Praŭda ŭ vinie» — heta albom karčomnych i hieraičnych irłandskich piesień u pierakładzie na biełaruskuju.
Aranžyroŭki vykananyja na tradycyjnych irłandskich instrumientach: akardeonie, skrypcy, flejtach, vistłach, bandža, hitary ŭ irłandskim stroi, baŭranie, barabanach i inšych.
U padtrymku vydańnia alboma Aleś raspačaŭ kraŭdfandynh-kampaniju na płatformie ulej.by. Užo sabrana bolš za pałovu nieabchodnaj sumy.
30 traŭnia ŭ kłubie «Bruhie» adbudziecca sumiesny kancert Alesia Čumakova i hurta Pawa. Cana kvitkoŭ — ad 15 rubloŭ.