Łukašenku ŭznaharodzili jašče adnym miedalom FOTA
Fiederacyja prafsajuzaŭ Biełarusi ŭznaharodziła Alaksandra Łukašenku jubilejnym miedalom «115 hadoŭ prafsajuznamu ruchu Biełarusi». Udziačnaść za hetu ŭznaharodu kiraŭnik dziaržavy vykazaŭ siońnia ŭ čas sustrečy sa staršynioj FPB Michaiłam Ordam, paviedamili BiełTA.
«Dziakuj za ŭznaharodu, za toje, što ŭspomnili, što ja kaliści byŭ prafsajuznym lidaram, i nie adzin hod, uznačalvaŭ prafsajuznuju arhanizacyju», — skazaŭ Łukašenka.
Jon padkreśliŭ, što miedal zojmie hodnaje miesca ŭ śpiecyjalnym muziei ŭ Pałacy Niezaležnaści, dzie pradstaŭleny jahonyja ŭznaharody i padarunki.
Michaił Orda patłumačyŭ, što rašeńnie ab uznaharodžańni Alaksandra Łukašenki jubilejnym miedalom było pryniata Prezidyumam FPB. «My ŭručajem vam miedal, tamu što ŭ nas budujecca sacyjalnaja dziaržava i sacyjalnym pytańniam nadajecca pieršasnaja ŭvaha», — padkreśliŭ staršynia FPB.