Ministr suviazi skazaŭ, što nie viedaje, ci zatrymany hiendyrektar «Biełtelekama»
Siarhiej Sivadziedaŭ
Ministr suviazi Biełarusi Kanstancin Šulhan zajaviŭ na pres-kanfierencyi 2 maja, što nie maje źviestak pra los hienieralnaha dyrektara «Biełtelekam», paviedamlaje Radyjo Svaboda
Na pytańnie ab źviestkach pra zatrymańnie Siarhieja Sivadziedava, jakoje nibyta adbyłosia kala tydnia tamu ŭ suviazi z karupcyjnaj spravaj, Šulhan adkazaŭ:
«Zrazumieła, što pytańnie chvaluje mnohich. Aficyjnaj infarmacyi ŭ mianie na hety momant niama».
Raniej kamientavać źviestki pra Sivadziedava admovilisia i Śledčy kamitet, i Kamitet dziaržaŭnaj biaśpieki — infarmacyju nie paćviardžali i nie abviarhali. U «Biełtelekamie» adkazvali, što Sivadziedaŭ nibyta «na balničnym».