Dom paŭabaroncy «Barsiełony» abrabavali prosta padčas hulni z «Livierpulem»
marca.es
Dom paŭabaroncy «Barsiełony» Artura abrabavali padčas pieršaha paŭfinalnaha matča z «Livierpulem», paviedamlaje El Taquigrafo. Što praŭda, Artur trapiŭ u zajaŭku na matč, ale na pole nie vychodziŭ.
Pa infarmacyi vydańnia, u dom 22-hadovaha futbalista, raźmieščany ŭ rajonie Les Korts u zachodniaj častcy Barsiełony, uvarvalisia dvoje rabaŭnikoŭ. Jany byli ŭzbrojeny nažom i adviortkaj. U toj momant u budynku znachodziŭsia brat Artura. Złačyncy prystavili da jaho horła adviortku i zabrali z doma hadzińnik Rolex, a taksama inšyja kaštoŭnyja rečy.
Za apošnija niekalki miesiacaŭ u Barsiełonie byli abrabavanyja jašče niekalkich futbalistaŭ katałonskaha kłuba. Złačyncy pabyvali ŭ damach Žerara Pikie, Žordzi Alby, Kievina-Prynsa Baatenha i Małkama, piša RBK.