U Kazachstanie admovilisia rehistravać kandydata ŭ prezidenty, jaki pravaliŭ ekzamien pa dziaržaŭnaj movie
Centralnaja vybarčaja kamisija Kazachstana admoviła ŭ vyłučeńni kandydatam u prezidenty hramadskamu dziejaču Žumataju Alijevu, jaki nie zmoh zdać ekzamien na vałodańnie dziaržaŭnaj movaj, paviedamlaje Tengrinews.kz.
«2 maja 2019 hoda ŭ Centrvybarkamie adbyłosia pasiadžeńnie linhvistyčnaj kamisii pa vyśviatleńni volnaha vałodańnia Žumatajam Alijevym dziaržaŭnaj movaj. Pa vynikach ekzamienu linhvistyčnaja kamisija pryniała rašeńnie, što kandydat u prezidenty nie vałodaje svabodna dziaržaŭnaj movaj» — začytała prajekt pastanovy siabra CVK Lazzat Sulejmien na pasiadžeńni.
Jana adznačyła, što zhodna z druhim punktam pastanovy CVK admaŭlaje Alijevu ŭ rehistracyi kandydatam u prezidenty.
Siabra linhvistyčnaj kamisii Adyl Achmietaŭ paviedamiŭ, što Žumataj Alijeŭ u piśmovym zadańni dapuściŭ 19 pamyłak pa punktuacyi i stylistycy.
Žumataj Alijeŭ byŭ vyłučany hramadskim abjadnańniem «Chałyq diemohrafijasy» 26 krasavika 2019 hoda.