U Viciebsku pry pažary ŭ internacie evakujavali bolš za 40 čałaviek
Siońnia ŭ budynku internata filijała «ATP №5 Viciebska» spracavała pažarnaja sihnalizacyja, paviedamlaje MNS.
Ratavalniki, jakija pryjechali na miesca zdareńnia, pabačyli mocnaje zadymleńnie na druhim paviersie budynka internata. Adbyłosia zaharańnie ŭ pakoi na druhim paviersie piacipaviarchovaha budynka. Ratavalniki sumiesna ź piersanałam internata evakujavali 44 čałaviek, ź ich 12 niepaŭnaletnich, nichto nie paciarpieŭ.
Jak vyśvietliłasia paźniej, najmalnik žyłoha pamiaškańnia, 46-hadovaja žančyna pražyvała ŭ błoku sumiesna z 25-hadovym synam. Padčas pažaru ich doma nie było.
Ratavalniki razhladajuć parušeńnie praviłaŭ ekspłuatacyi elektrasietak i elektraabstalavańnia (karotkaje zamykańnie elektrapravodki) jak asnoŭnuju viersiju zdareńnia.