Eks-hulec «Barsiełony» Chavi abviaściŭ pra zaviaršeńnie karjery
thesefootballtimes.co
Chavi, jaki z 2015 hoda vystupaŭ za katarski «Al-Sad», abviaściŭ, što pa zakančeńni siezona zavieršyć futbolnuju karjeru. Były kapitan «Barsiełony» płanuje stać trenieram.
«Da 39 hadoŭ dla mianie było vialikim honaram hulać u futboł. Ciapier mnie čas sychodzić. Dalej ja płanuju zaniacca trenierskaj dziejnaściu. Vialiki ŭpłyŭ na mianie akazaŭ Jochan Krojf, vielmi chočacca, kab maje kamandy šukali ščaście ŭ atacy », - cytuje paŭabaroncu AS.
Mahčyma, Chavi stanie hałoŭnym trenieram zbornaj Katara.
Chavi — vychavaniec «Barsiełony» i jaje były kapitan. Za 17 hadoŭ u składzie katałonskaha kłuba jon vyjhraŭ 25 trafiejaŭ: staŭ vaśmirazovym čempijonam Ispanii, šeść razoŭ zavajavaŭ Supierkubak krainy, čatyry razy vyjhravaŭ Lihu čempijonaŭ. Usiaho ŭ składzie «Barsłony» jon pravioŭ 767 matčaŭ va ŭsich turnirach, zabiŭšy 85 hałoŭ.
U składzie zbornaj Ispanii Chavi vyjhraŭ čempijanat śvietu i dvojčy čempijanat Jeŭropy.