Kałamojski: Parašenka prajhraŭ vybary, tamu što ŭ jaho nie było kanała «1+1»
Blizki da novaabranaha prezidenta Ukrainy Uładzimira Zialenskaha ŭkrainski aliharch Ihar Kałamojski zajaviŭ, što prezident Piatro Parašenka prajhraŭ prezidenckija vybary va Ukrainie, tamu što ŭ jaho nie było telekanała «1+1».
Pra heta jon skazaŭ u intervju «Bihus.info».
«Parašenka chacieŭ zabrać sabie 1+1, ale jon prajhraŭ vybary, tamu što ŭ jaho nie było 1+1. Jamu ŭsie havaryli ź jaho atačeńnia, Kananienka, Łucenka, a jak ty źbiraješsia na vybary, kali tvoj elektarat plusy hladzić?», — zajaviŭ aliharch.
Pavodle jaho słoŭ, mirycca z prezidentam Piatrom Parašenkam jon nie źbirajecca.
Akramia taho aliharch raspavioŭ, što razam z kiraŭnikom MUS Ukrainy Arsienam Avakavym na prezidenckich vybarach zaŭzieŭ «suprać Pieci». Pavodle jaho słoŭ, jany ŭvieś čas z Avakavym kamunikujuć.
«Ja śviatkavaŭ pieramohu (Zialenskaha — Red.) Dvojčy. 31 sakavika i 21 krasavika», — zajaviŭ Kałamojski.
Kanał «1+1» — bujniejšy va Ukrainie. Jon u składzie adnajmiennaj miedyjahrupy naležyć Iharu Kałamojskamu. Atačeńnie Piatra Parašenki abvinavačvała papularny kanał u čornym pijary suprać prezidenta Ukrainy.