Łukašenka: Padazreńni nakont Uciuryna byli jašče kali jaho zvalniali sa Słužby biaśpieki prezidenta
Alaksandr Łukašenka pry naviedvańni Studenckaj vioski prakamientavaŭ zatrymańnie byłoha namieśnika dziaržsakratara Savieta biaśpieki Andreja Uciuryna, paviedamlaje BiełTA.
Andrej Uciuryn.
«Kali b jon u mianie byŭ pa-za padazreńniami, jon by da hetaha času pracavaŭ načalnikam Słužby biaśpieki [prezidenta], — skazaŭ Alaksandr Łukašenka. — Užo tady da jaho byli pytańni. U mianie byli peŭnyja padazreńni. Jamu byŭ pradstaŭleny šaniec».
Kiraŭnik dziaržavy rastłumačyŭ, što Andrej Uciuryn trapiŭ u pole zroku pravaachoŭnikaŭ jašče da pieravodu ŭ Radu biaśpieki. «Litaralna praź niekalki miesiacaŭ mnie dałažyli ab tym, što da jaho jość pytańni», — adznačyŭ Łukašenka.
Były načalnik słužby biaśpieki prezidenta, namieśnik sakratara Rady biaśpieki Andrej Uciuryn byŭ zatrymany ŭ siaredzinie krasavika pry atrymańni chabaru pamieram $149 tysiač. Jamu nibyta zapłacili pradstaŭniki rasijskaj kamiercyjnaj struktury za prasoŭvańnie jaje intaresaŭ u Biełarusi.
Andrej Uciuryn
Naradziŭsia ŭ 1971 u Pienzie. U 1992 skončyŭ Sarataŭskaje vyšejšaje vajskovaje kamandnaje vučylišča MUS Rasii, a ŭ 2002 — Akademiju MUS Biełarusi. Ad 1995 — u słužbie achovy Łukašenki. Uznaharodžany ordenami «Za biezdakornuju słužbu» i «Za słužbu Radzimie». Kiraŭnik Słužby achovy ad 2007 hoda. U 2014—2019 namieśnik dziaržsakratara Rady biaśpieki.