Na mahiloŭca zaviali spravu za katavańni: jon adłupcavaŭ pasynkaŭ, jakija admovilisia vučyć uroki
17 krasavika administracyja adnoj sa škoł Mahilova paviedamiła milicyi, što dvoje vučniaŭ pryjšli na zaniatki z rankami i hiematomami.
Rodnyja braty — vaśmihadovy i dzieviacihadovy — patłumačyli, što napiaredadni ich žorstka źbiŭ ajčym.
32-hadovy mahiloviec, da jakoha pryjšła milicyja, pryznaŭsia: učora byŭ napadpitku i ŭziaŭsia za vychavańnie chłopčykaŭ.
Akazałasia, što dzieci nie chacieli rabić chatniaje zadańnie. Abmierkavańnie situacyi pryviało da taho, što ŭrešcie mužčyna pierajšoŭ na kryk. Tady dzieci kinuli knihi i demanstratyŭna razyšlisia pa pakojach.
Mužčyna schapiŭ remień i adłupcavaŭ pasynkaŭ. Pa słovach chłopčykaŭ, maci nazirała za tym, što adbyvajecca, nie ŭmiešvajučysia ŭ vychavaŭčy praces.
Siamja niekalki miesiacaŭ tamu była pastaŭlenaja na ŭlik sacyjalna-niebiaśpiečnych. Da taho ž ajčym užo mieŭ prablemy z zakonam — pra heta śviedčać šmatlikija sudzimaści za kradziažy i pryciahnieńnie da administracyjnaj adkaznaści za raśpićcio ałkaholnych napojaŭ u hramadskich miescach.
Dziaciej zabrali ź siamji. U adnosinach ajčyma zaviedzienaja kryminalnaja sprava za katavańni. Jamu pahražaje pazbaŭleńnie voli na termin da 3 hadoŭ.