Sańnikaŭ: Ja emihravaŭ, bo z amierykanskaj ambasady papiaredzili, što ŭłady mohuć mianie zabić
Kandydat u prezidenty Biełarusi — 2010 Andrej Sańnikaŭ (mieŭ najbolšuju padtrymku siarod usich astatnich apazicyjanieraŭ) patłumačyŭ pryčyny svajoj emihracyi. Palityk śćviardžaje, što atrymaŭ papiaredžańnie pra mahčymuju fizičnuju likvidacyju.
Pra heta jon i jaho žonka Iryna Chalip raskazali ŭ intervju češskamu vydańniu denikn.cz.
«Heta było prykładna praz tydzień paśla vychadu z turmy. Raptam, paśla čatyroch hadzin dnia, patelefanavali z ambasady ZŠA. I jany kažuć: «Śpiašajciesia, śpiašajeciesia, kali łaska, prychodźcie chutka!» Akazałasia, što jon chacieŭ papiaredzić nas», — patłumačyła Iryna Chalip.
«Jany papiaredzili mianie, što ja byŭ by zabity. Toje, što [ułady] mohuć fizična likvidavać», — udakładniŭ Andrej Sańnikaŭ.
Ciapier palityk žyvie ŭ Varšavie, žonka i syn zastalisia ŭ Biełarusi.
Pieršaje fota Sańnikava paśla vyzvaleńnia. Palityk byŭ zatrymany ŭviečary paśla Płoščy-2010. Vyjšaŭ na volu 14 krasavika 2012 hoda.