7 hiektaraŭ rekreacyjnaj zony ŭzdoŭž Daŭhinaŭskaha trakta addaduć pad žyłyja damy
Ilustracyjnaje fota Siarhieja Hudzilina.
Kala 7 hiektaraŭ uzdoŭž Daŭhinaŭskaha trakta na poŭnačy Minska vyviedzieny z rekreacyjnaj zony. Hetuju terytoryju zabudujuć šmatpaviarchovikami i katedžami.
Adpaviedny ŭkaz №174, jaki ŭnosić źmieny ŭ hienieralny płan Minska, padpisaŭ 11 maja Alaksandr Łukašenka.
Rašeńnie tłumačycca «nieabchodnaściu zabieśpiačeńnia horadabudaŭničaj zavieršanaści rajona siadzibnaj zabudovy ŭ Minsku ŭzdoŭž Daŭhinaŭskaha trakta na terytoryi byłoj vioski Cnianka».