Pakryŭdžany malec z Kalinkavičaŭ źbiŭ pryjaciela i zabraŭ jahonyja łasinyja rohi
Na žychara Kalinkavičaŭ, jaki skraŭ z chaty znajomaha łasinyja rohi, zaviali kryminalnuju spravu za rabavańnie z hvałtam, paviedamlaje UUS Homielskaha abłvykankama.
23-hadovy malec paprasiŭ u 59-hadovaha znajomaha hrošy na ałkahol, ale toj admoviŭ.
Tady małodšy źbiŭ starejšaha i zabraŭ z kvatery łasinyja rohi, jakija vykarystoŭvalisia ŭ jakaści viešałki. Na praciahu paŭhadziny jon znajšoŭ na ich pakupnika i zbyŭ. Nieŭzabavie mužčyna byŭ zatrymany.
Raspačata kryminalnaja sprava za rabavańnie, złučanaje z hvałtam. Maładzionu pahražaje da 6 hadoŭ źniavoleńnia. Zrešty, jon užo byŭ sudzimy za kradziež, niekalki miesiacaŭ tamu vyjšaŭ na volu.
Paciarpieły ad špitalizacyi admoviŭsia.