U subotu pa vulicach Minska znoŭ prajeduć lehiendy suśvietnaha aŭtaprama
Vystava ŭ minułym hodzie, fota Paŭła Muraški, Tut.by
18 maja Minsk u 10.30 sustrakaje XII mižnarodny fiestyval retra- i kłasičnych aŭtamabilaŭ «Retra-Minsk — 2019», arhanizataram jakoha tradycyjna vystupajuć hramadskija abjadnańni «AŭtaAmieryka» i BRSM, piša Źviazda
Padzieja, jakaja dazvolić minčanam i haściam stalicy dakranucca da historyi suśvietnaha aŭtaprama, abjadnaje kala 130 ekipažaŭ ź Biełarusi, Rasii, Estonii, Litvy, Łatvii.
Płanujecca, što ŭ 10.30 pad huki arkiestra Ministerstva ŭnutranych spraŭ kartež unikalnych retra-aŭtamabilaŭ prybudzie na płošču Dziaržaŭnaha ściaha. Paznajomicca z ekskluziŭnymi aŭtamabilami minčanie i hości biełaruskaj stalicy zmohuć tut ža z 11.00 da 13.00.
Z 13.00 da 14.00 retrakałona projdzie pa maršrucie: płošča Dziaržaŭnaha ściaha — płošča Pieramohi — Kastryčnickaja płošča.
Padčas pierajezdu zapłanavany kruh pašany vakoł płoščy Pieramohi. U hod 75-hodździa vyzvaleńnia Biełarusi ad niamiecka-fašysckich zachopnikaŭ udzielniki źlotu hukavymi sihnałami aŭtamabilaŭ ušanujuć pamiać zahinułych u Vialikaj Ajčynnaj vajnie, uskładuć kvietki da Viečnaha Ahniu kala manumienta Pieramohi.
Z 14.00 da 17.00 ekspazicyja aŭtamabilaŭ raźmieścicca na Kastryčnickaj płoščy kala Pałaca Respubliki.
Na prypynačnych punktach kožny achvotny zmoža sfatahrafavacca na pamiać pobač z avtalehiendami, abiacajuć arhanizatary