Pakistanskich chryścijan prysudzili da śmierci za bluźnierstva
U Pakistanie siamiejnuju paru chryścijan prysudzili da śmierci za bluźnierstva z-za tekstavych paviedamleńniaŭ, jakija jany nibyta adpraŭlali mužčynie-musulmaninu. Pra heta paviedamlaje The Guardian.
Šafkat Masich i jaho žonka Šahufta Kusar sprabujuć abskardzić prysud u viarchoŭnym sudzie ŭ Łachory. Ich aryštavali paśla taho, jak z numara Kusar na telefon nieznajomaha joj musulmanina pastupili paviedamleńni na anhlijskaj movie, «jakija abražajuć Karan i Praroka».
U pary z horada Hažra ŭ pravincyi Piendžab čaćviora dziaciej. Muž - invalid, a žonka pracavała prybiralščycaj u carkoŭnaj škole. Jak paviedamlaje vydańnie, spačatku Masich uziaŭ vinu na siabie, bajučysia za žonku, ale zatym admoviŭsia ad svaich pakazańniaŭ.
Ciapier abarona śćviardžaje, što abodva asudžanyja nie viedajuć anhlijskaj i nie mahli napisać hetaje paviedamleńnie. Akramia taho, sim-karta była zarehistravanaja na imia Kusar, u jakoj da hetaha skrali paśviedčańnie asoby. Hetyja dovady, adnak, pakul nie pierakanali sud — chryścijanam ŭsio jašče pahražaje śmiarotnaje pakarańnie.