Hienprakuratura vyniesła pradstaŭleńnie ministru sielskaj haspadarki i charčavańnia
Hienieralnaja prakuratura ŭniesła pradstaŭleńnie ab likvidacyi parušeńniaŭ zakona ministru sielskaj haspadarki i charčavańnia pa vynikach pravierki vykanańnia ŭ sistemie ministerstva antykarupcyjnaha zakanadaŭstva. Pra heta paviedamlaje pres-słužba viedamstva.
Nahodaj dla pravierki pasłužyła dynamika karupcyjnaj złačynnaści ŭ sielskahaspadarčaj śfiery: ŭ 2016 hodzie ździejśniena 138 takich złačynstvaŭ, u 2017 hodzie — 200, 2018 hodzie — 235, u pieršym kvartale 2019 hoda — 35.
«Na dumku prakuroraŭ, asnoŭnyja pryčyny situacyi — niedachop papieradžalnych mierapryjemstvaŭ i adsutnaść strohaha kantrolu za finansava-haspadarčaj dziejnaściu. Kiraŭniki roznych uzroŭniaŭ, inšyja słužbovyja asoby nie prymali vyčarpalnych mier pa vyjaŭleńni i likvidacyi pryčyn i ŭmoŭ, jakija spryjajuć karupcyi. Z-za nievykanańnia pracoŭnaj i vykanalnickaj dyscypliny stali mahčymyja prypiski, a taksama falsifikacyi dakumientaŭ z metaj utojvańnia biezhaspadarčaści i niedastač. Vyjaŭleny parušeńni ŭ zabieśpiačeńni zachavanaści majomaści pradpryjemstvaŭ APK», — raspaviali ŭ Hienprakuratury.
Tam taksama adznačyli, što, jak pakazała pravierka, karupcyjnych złačynstvach spryjali i nieabhruntavanaje pasrednictva, adsutnaść sistemy padrychtoŭki śpiecyjalistaŭ u halinie zakupak. Naprykład, za arhanizacyju zakupki abstalavańnia pa zavyšanym košcie praz pasrednickuju strukturu da kryminalnaj adkaznaści pryciahnuty były viadučy inžynier pa zabieśpiačeńni RUP «Viciebskaje plempradpryjemstva».
Prakurory źviarnuli ŭvahu, što niepryniaćcie mier da spahnańnia debitorskaj zapazyčanaści stvaraje karupcyjnyja ryzyki ŭ dahavornaj pracy, ekspartnych pastaŭkach. Da prykładu, na momant pravierki zapazyčanaść pierad RUSPP «Mahiloŭskaje dziaržplempradpryjemstva» miełasia ŭ 350 arhanizacyj i indyvidualnych pradprymalnikaŭ na ahulnuju sumu bolš za 3,28 młn rubloŭ, ź jakoj praterminavanaja — bolš za 2,3 młn rubloŭ.
Prakuratura taksama padvierhła krytycy dziejnaść kamisii pa supraćdziejańni karupcyi, jakaja, jak praviła, abmiažoŭvałasia abmierkavańniem vynikaŭ viedamasnaha kantrolu, śćviardžeńniem płanaŭ raboty, razhladam ujaŭleńniaŭ pravaachoŭnych orhanaŭ i inšych pytańniaŭ.
«Niahledziačy na toje što vialikaja častka jakija ździajśniajucca ŭ padparadkavanych ministerstvu arhanizacyjach karupcyjnych pravaparušeńniaŭ źviazanaja z zakupkami, u tym liku srodkaŭ abarony raślin, kambikarmoŭ i inšych tavaraŭ, pastaŭkami sielhaspradukcyi bieź pieradapłaty, kamisija nie analizavała pryčyny takoj situacyi, nie raspracoŭvała i nie realizoŭvała prapanovy pa jaje praduchileńni. Ministerstva nie vykonvała patrabavańnie zakona ab infarmavańni orhanaŭ, jakija ažyćciaŭlajuć baraćbu z karupcyjaj, ab vyjaŭlenych parušeńniach antykarupcyjnaha zakanadaŭstva. U pryvatnaści, u Hienprakuraturu nie nakiroŭvałasia infarmacyja ab słužbovych asobach, jakija parušyli paradak dekłaravańnia dachodaŭ i majomaści», — ličać u viedamstvie.
U pradstaŭleńni Hienprakuratura zapatrabavała pryciahnuć da dyscyplinarnaj adkaznaści słužbovych asobaŭ Ministerstva i padviedamnych arhanizacyj, jakija dapuścili parušeńni antykarupcyjnaha zakanadaŭstva, a taksama nienaležna vykonvali abaviazki pa supraćdziejańni karupcyi.
Da niadaŭnich časoŭ ministram sielskaj haspadarki i charčavańnia byŭ Leanid Zajac, jon uznačalvaŭ viedamstva 7 hadoŭ. Novym ministram sielskaj haspadarki i charčavańnia staŭ Anatol Chaćko.