Ekśpiertyza nie pakazała prykmiet atručvańnia Siarhieja Darenki
Sudova-chimičnaje daśledavańnie nie pakazała prykmiet taho, što žurnalist Siarhiej Darenka moh być atručany. Pra heta RBK paviedamiła krynica ŭ biuro sudmiedekśpiertyzy.
Pra toje, što ekśpiertyza nie znajšła ŭ kryvi žurnalista Siarhieja Darenki nijakich śladoŭ zabaronienych rečyvaŭ abo jadaŭ, taksama paviedamlaje Telegram-kanał BAZA.
«Jak tolki my hetuju papieru (vyniki ekśpiertyzy) atrymajem aficyjna, my tut ža pra heta paviedamim, pakul papiery niama. Ja nie viedaju, ci jość jana ŭ Julii [Darenka]», — paviedamiŭ RBK hienieralny dyrektar radyjostancyi «Hovorit Moskva» Uładzimir Mamantaŭ.
Žonka Siarhieja Darenki Julija admoviłasia ad kamientaroŭ RBK, źviazacca z dačkoj Kaciarynaj nie ŭdałosia.
Žurnalist Siarhiej Darenka raźbiŭsia 9 maja ŭ centry Maskvy pry padzieńni z matacykła. Jamu było 59 hadoŭ. Sudmiedekśpierty pryjšli da vysnovy, što pryčynaj śmierci Darenka staŭ razryŭ aorty, adnak jaho dačka Kaciaryna napisała ŭ palicyju zajavu z patrabavańniem paŭtorna pravieryć pryčyny śmierci svajho baćki. Jana i jašče adna dačka žurnalista ad pieršaha šlubu ličać, što Siarhiej Darenka moh być atručany.