Matacyklist u Hrodnie źbiŭ kazulu
Avaryja adbyłasia 14 maja ŭ rajonie indyvidualnaj zabudovy na poŭnačy Hrodna. Matacyklist ruchaŭsia z boku rajona Zaryca da vulicy Hrandzickaj, piša BiełTA.
«U niejki momant jon bakavym zrokam zaŭvažyŭ, što z pravaha boku na darohu vyskačyła žyvioła. Tut ža adčuŭ udar u rajonie piaredniaha koła. Kiroŭca zmoh utrymać matacykł na kołach i paźbiehnuć surjoznych nastupstvaŭ», — raspaviali ŭ DAI. Z matacykłam sutyknułasia kazula. Žyvioła zahinuła.
Kiroŭca nie paciarpieŭ. Matacykł atrymaŭ nievialikija techničnyja paškodžańni. Kiroŭca nie staŭ źjazdžać ź miesca avaryi, a źviarnuŭsia ŭ pravaachoŭnyja orhany.