Mahiloviec źbiŭ piensijaniera, kab daviedacca «sakret maładości»
U mahiloŭskuju milicyju paskardziŭsia 61-hadovy mužčyna. Jon raspavioŭ, što nieviadomy źbiŭ jaho na vulicy.
Milicyjanty znajšli i zatrymali chulihana, a taksama vyśvietlili, z-za čaho jon padniaŭ ruku na piensijaniera.
Napadnik — raniej nie sudzimy 33-hadovy inžynier adnaho z pradpryjemstvaŭ horada — byŭ pjany.
Piensijanier pryciahnuŭ uvahu mužčyny svaim zuchavatym vyhladam: mahiloviec vyrašyŭ spynić jaho i pacikavicca sakretam vyhladu nieznajomca. Piensijanieru pryjšłosia niekalki razoŭ adkazać na nastojlivyja pytańni nieznajomca, u čym ža sakret jaho maładości.
Kali piensijanier pasprabavaŭ raźvitacca, to razzłavany takim pavarotam surazmoŭca ŭdaryŭ jaho.
Ciapier inžyniera buduć sudzić za chulihanstva, paviedamlaje mahiloŭskaja milicyja. Mužčynu pahražaje da 3 hadoŭ pazbaŭleńnia voli.