Bujnoje DTZ u Minsku: sutyknulisia tralejbus i MAZ, hružany łomam
fota
Paciarpieli piać čałaviek.
U DTZ u Minsku z udziełam tralejbusa i hruzavoha aŭtamabila «MAZ» paciarpieli piać čałaviek.Pra heta BiełaPAN paviedamiŭ inśpiektar adździeła pa ahitacyi i prapahandzie ŭpraŭleńnia DAI HUUS Minharvykankama Maksim Kačynski.
Pavodle jaho słoŭ, avaryja adbyłasia ŭ rajonie stancyi mietro «Mahiloŭskaja» 20 studzienia ŭ 6.20. Aŭtamabil «MAZ», hružany detalami ź mietału, ruchaŭsia pa Partyzanskim praśpiekcie ad MKAD u bok novaj vulicy Varvašeni na čyrvony sihnał śviatłafora. Jon nie sastupiŭ darohu i ŭrezaŭsia ŭ tralejbus № 60, jaki pavaročvaŭ na praśpiekt z vulicy Mašynabudaŭnikoŭ. U vyniku sutyknieńnia aŭtamabil i tralejbus vyjechali na piešachodnuju častku. Taksama čaplalnym udaram byŭ zakranuty aŭtamabil «Holf».
25‑hadovy vadziciel «MAZa» atrymaŭ čerapna‑mazhavuju traŭmu i pierałom abiedźviuch noh,paciarpieła taksama adna pasažyrka tralejbusa (mahčyma, u jaje razryŭ šyjki ściahna). Jašče try pasažyry tralejbusa atrymali lohkija traŭmy. Usie paciarpiełyja dastaŭlenyja ŭ staličnyja balnicy.
Pavodle papiaredniaj viersii, u aŭtamabila «MAZ» złamalisia tarmazy. Spynieńnia ruchu transpartu pa Partyzanskim praśpiekcie praz avaryju nie adbyłosia, paviedamili ŭ DAI