Najčaściej u Minsku kraduć mašyny «VAZ»
U piać razoŭ čaściej, čym astatnija.
U 2008 hodzie ŭ Minsku byŭ zarehistravany 331 fakt uhonu i 123 fakty kradziažu aŭtatranspartnych srodkaŭ. Pra heta na pres‑kanfierencyi 20 studzienia paviedamiŭ načalnik HUUS Minharvykankama Leanid Farmahiej. Hety bolš, čym u 2007 hodzie.
Jak zaznačyŭ Ł.Farmahiej, rost takich złačynstvaŭ adbyŭsia ŭ vyniku zamachaŭ na ich učynieńnie.
Znojdziena i viernuta ŭładalnikam 393 aŭtamašyny, ustanoŭleny padazronyja va ŭčynieńni 225 uhonaŭ i 52 kradziažoŭ aŭtatranspartu.
Čaściej za ŭsio abjektami złačynstvaŭ u horadzie byli aŭtamašyny «VAZ» (170), «Opiel» (34), «Maskvič» (32) i «Folksvahien» (30). U asnoŭnym starych madelaŭ. Takoje stanovišča načalnik HUUS patłumačyŭ tym, što takija mašyny kraduć albo dla taho, kab niekudy dajechać, albo kab razabrać na zapčastki.
U bolšaści vypadkaŭ kradziažy i ŭhony aŭtatranspartu učynialisia nočču z drenna aśvietlenych terytoryj, jakija nie achoŭvajucca. Tolki dźvie mašyny ŭkradzieny z haražoŭ.
U bolšaści vypadkaŭ ukradzienyja aŭtamabili byli znojdzieny na praciahu dziažurnych sutak, a 157 mašyn naohuł nie źjazdžali ź miesca zdareńnia (sproby ŭhonu).