Kalinoŭski naš! Pačynajecca kampanija Kalinouski2019
Ciapierašniaja biełaruskaja dziaržava nijak nie vyznačycca, chto Kalinoŭski ŭłasna dla jaje. Dapamožam ža razam zrabić joj pravilny vybar, bo, jak pisaŭ sam Kalinoŭski,
«Nie narod dla ŭrada, a ŭrad dla naroda!».
Uvosień adbudziecca pierapachavańnie paŭstancaŭ 1863—1864 hadoŭ, znojdzienych na Zamkavaj hary ŭ Vilni. Siarod ich tyja, chto ŭ jakaści parola vykarystoŭvaŭ słovy: «Kaho lubiš? — Lublu Biełaruś! — Dyk uzajemna!». Pieršy siarod ich — Kastuś Kalinoŭski, da vobraza jakoha jak da zastupnika źviartaŭsia naš narod u najciažejšyja momanty XX st., kali jaho isnavańnie znachodziłasia pad pahrozaju.
Postać Kalinoŭskaha, jaki spryčyniŭsia da paŭstavańnia niezaležnaj Respubliki Biełaruś — adna z najbolš pavažanych u biełaruskaj historyi, ušanavanaja ŭ vialikaj kolkaści tvoraŭ litaratury i mastactva. Niezdarma ŭ «Historyi biełaruskaj dziaržaŭnaści» (2019), vydadzienaj Instytutam historyi Nacyjanalnaj akademii navuk Respubliki Biełaruś, pra Kalinoŭskaha skazana, što jaho zaklik zmahacca «za svajo čałaviečaje i narodnaje prava, za svaju vieru, za svaju ziamlu rodnuju» staŭ nacyjanalnaj idejaj biełarusaŭ XIX — pačatku XX st.
Adnak siońnia suprać Kastusia Kalinoŭskaha jak simvała zmahańnia našaha naroda z samymi raznastajnymi zachopnikami viadziecca sapraŭdnaja «infarmacyjnaja vajna». U jaje, vidavočna, zaanhažavanyja i pradstaŭniki aficyjnych uładaŭ, jakija namahajucca dyskredytavać vobraz adnaho z najvažniejšych biełaruskich nacyjanalnych hierojaŭ. Śviedčańnie taho nie tolki padručniki i vykazvańni asobnych palitykaŭ, ale i imknieńnie praihnaravać i zamaŭčać adnu z najvažniejšych padziejaŭ, śviedkami jakoj my źjaŭlajemsia, — znachodžańnie pareštak Kastusia Kalinoŭskaha i ich uračystaje pierapachavańnie.
My, nieabyjakavyja hramadzianie Respubliki Biełaruś, abviaščajem pačatak kampanii Kalinouski2019.
Naša meta — papularyzacyja vobraza Kastusia Kalinoŭskaha. My zaklikajem dałučacca da kampanii kožnaha, chto nieabyjakavy da imia lidara paŭstańnia 1863—1864 hadoŭ u Biełarusi i Litvie, kab hodna pradstavić biełaruski bok na ŭračystaściach, jakija majuć adbycca 2 listapada 2019 hoda na słavutych vilenskich mohiłkach Rosy. Mienavita tam buduć pierapachavanyja pareštki našaha nacyjanalnaha hieroja razam ź inšymi paŭstancami, zabitymi ŭ Vilni ŭ 1863—1864 hadach.
Śviedkam hetaj histaryčnaj padziei pavinny być jak maha bolš biełarusaŭ!
U apošniaje dziesiacihodździe ŭ Biełarusi aktyŭna adbyvajecca ŭšanavańnie miescaŭ pamiaci, źviazanych z padziejami 155-hadovaj daŭniny. Na siońnia ich užo amal 60. U vyniku aktyŭnaj pazicyi biełaruskaja hramadskaść damahłasia napisańnia pa-biełarusku ŭsich proźviščaŭ paŭstancaŭ, pareštki jakich znajšli ŭ Vilni padčas archieałahičnych raskopak u 2017—2019 hadach.
Kampanija Kalinouski2019 składajecca ź niekalkich etapaŭ, pradstaŭlenych raznastajnymi mierapryjemstvami. Bolš padrabiaznaja infarmacyja budzie źmiaščacca ŭ sacyjalnych sietkach:
Fejsbuk
Instahram
Supołka «Kalinoŭski 2019»
Supołka «Kalinoŭski — moj hieroj»
My prapanujem dałučacca da kampanii Kalinouski2019 ŭsich zacikaŭlenych!
Heta ŭžo zrabili hurt «Dzieciuki», jaki ŭ miežach kampanii prezientuje pieśniu «Čas kasinieraŭ», viadomy vytvorca patryjatyčnaj vopratki LSTR, jaki vypuściŭ novy prynt «Gloria Victis» i «Biełaruskaja muzyčnaja alternatyva» (BMA group), jakaja ładzić muzyčnuju kampaniju «UZAJEMNA!/UZAJEMNA!».
PAKAŽAM ŽA RAZAM, ŠTO NAROD, U IMIA JAKOHA KASTUŚ KALINOŬSKI ŬZYŠOŬ NA ŠYBIENICU, PAMIATAJE SVAJHO HIEROJA!